Actividades para esta quincena do 1 ao 14 de xuño

Esta actividade vaivos valer para calquera materia ou incluso para a vosa vida persoal. Se non tedes tempo de facela agora, facédea cando poidades.

Esta quincena aprenderemos algunhas ferramentas para buscar de forma máis efectiva en Google.
1. O primeiro que teredes que facer é copiar, imprimir ou sacar una foto co voso móbil a esta "chuleta". Mandádeme a foto da chuleta ao whats app ou a nandacastroverde@gmail.com. E escribides unha frase que me demostre de algunha maneira que vistes o video (xa sei que iso non o demostra, pero fíome de vos). Non borredes a foto que a ides usar.

Estratexias de busca en Google

Chuleta para ter a man mentres buscamos

1.     Idioma da busca: sae máis en inglés, logo en Castelán e logo en Galego.

2.     Empregar as palabras exactas.

3.     Ferramentas que facilitan o traballo:

Ø As comiñas: busca textualmente esa frase.

Ø O signo menos: quita os docs cunha palabra (non poñas espazo despois do -).

Ø Busca nunha URL concreta. Hai que poñer Site:www.

Ø Buscar só documentos dun formato determinado. Filetype:PDF

Ø Usar Google como dicionario. Define:esternocleidomastoideo.

Ø Buscar só nos títulos dos artigos. Intitle: ou Allintitle: se son varias palabras.

Ø Buscar sen poñer todas as letras: *

Ø Buscar textos serios de investigacións, teses, etc.: Google Académico.

Ø Buscar textos dunha determinada fecha: arriba en ferramentas.

Ø Buscar unha palabra nun documento “control” e “F” ao mesmo tempo.

Ø Para detectar fiabilidade:

§  Páxinas oficiais.

§  Periódicos fiables.

§  Ver que sinale o nome de quen escribiu o documento.

§  Ver que non teña faltas de ortografía ou mala sintaxe.

§  Se ven a bibliografía mellor.

§  Non caer no sesgo de confirmación. (Cando nos menten co que queremos escoitar).

§  Coidado coas noticias que provocan emocións.

§  Usar o sentido común.

2. Coa chuleta diante hai que ver este video que dura 15 minutos:





Se alguén prefire ver o que dice o video por escrito, tedes un documento neste enlace.

Actividades para a terceira quincena (ata o 29 de maio)

As actividades para a próxima quincena son 3:
1) Ver este video:


2) Chegoume esta noticia por whats app dun amigo de confianza. Averigua se é certa ou unha fake new:

3) Escolle unha noticia sobre o covid - 19 para que os teus compañeiros e compañeiras investiguen a próxima quincena se son fake news ou noticias verdadeiras. Valen noticias falsas, verdadeiras ou noticias das que teñas dúbida e queiras aproveitar para comprobar a súa veracidade. Valen fotos, artigos, videos... o formato da igual.

Coma sempre podes enviarme as actividades ao meu whats app ou ao correo electrónico nandacastroverde@gmail.com

Como calcular a nota de Xeografía e Historia

A nota final de xeografía e historia en xuño, será a media das dúas primeiras avaliacións.

Por lei, non podo baixar a nota na terceira.

Hai quen estará pensando: "E para que facemos as actividades da terceira?", e eu respondo: para aprender. E como quero que aprendades, a quen faga todas as actividades da terceira subireille un punto a media de xuño.

Resulta que algunha xente, está facendo uns traballos e actividades moi bos, que destacan especialmente polo traballadas que están, e sobresaen polo ben redatadas ou ben expostas de forma oral que as presentan, etc. Para esta xente que se esmera por enriba da media, poderá haber unha subida de dous puntos.

Ese é o resumo do asunto. A inspección mandounos redatar un documento a todo o profesorado onde se especifique como imos organizar o ensino na terceira avaliación e como imos avaliar. O que máis vos interesa do tocho que escribín, é esto:

Se algún familiar ten curiosidade por saber qué demo lle contei ao inspector pode ver o tocho enteiro premendo neste enlace.

Actividades da segunda quincena (ata o 15 de maio)

As tarefas para esta quincena (ata o 15 de maio) son:
- Ver este video.
- Escoller tres memes (chistes) desta época da pandemia e mandarme as imaxes.
- Un texto que meteríades na cápsula, xunto co meme, explicándolle o meme á xente do futuro, que igual non o pode entender se lle falta información.


A quen lle resulte moi longo ou complicado este video, pode mirar o de 3º da ESO, que vale exactamente igual que este para facer as tarefas.

Actividades da primeira quincena para quen non as fixo aínda

A primeira quincena (ou sexa en  abril), había que ver un video e facer un listado das fontes de información que meteríades na nosa cápsula do tempo, indicando se eran fontes escritas, materiais, orais ou iconográficas e porque sería interesante meter esas cousas. Como houbo quen non o fixo aínda, fixen un video máis resumido de só tres minutos. Recordade que podedes enviarme un audio de whats app dicíndome qué meteríades na cápsula e con iso xa cumplides.
Non quero poñer aquí o meu número de teléfono pero o ten todo quisque, preguntádelle a calquera. Ou me preguntades a min o meu teléfono no correo nandacastroverde@gmail.com
Este é o video resumido: